Жыл басынан бері нашақорлық бойынша 300-ге жуық азаматтың үстінен қылмыстық іс қозғалған. Оның 95-і есірткі сатумен айналысыпты. Қорқынышты статистиканың басым бөлігі- жастар. Сондықтан елордада «Заң мен Тәртіп» тұжырымдамасы аясында «Taza Fest» атты ауқымды антинаркотикалық концерт ұйымдастырылды. Шараның басты мақсаты - жастар арасында есірткіге қарсы берік иммунитет қалыптастырып, құқықтық сауаттылықты арттыру. Жиында танымал жұлдыздар мен шығармашылық ұжымдар өнер көрсетті. Сондай-ақ, студенттерге есірткінің зардабы мен қылмыстық жауапкершілік туралы арнайы тақырыптық бейнероликтер көрсетілді.
ӘЛИЯ ҚИБАТҚЫЗЫ. ҚАЛАЛЫҚ ПД ЕСІРТКІ ҚЫЛМЫСЫНА ҚАРСЫ ІС-ҚИМЫЛ БАСҚАРМАСЫНЫҢ БӨЛІМ БАСТЫҒЫ:
Қазіргі таңда есірткі бизнесі дейміз, оған жастарды, әсіресе студенттерді 18-25 жастағы жас қыздар мен жігіттерді баулиды, тартады. Жеңіл ақша табуға шақырады. Бүгінгі іс-шара біз қала бойынша ЖОО, колледж студенттерін шақырудамыз. 2000-ға жуық студент қатысуда.
