16-17 сәуірде Астана қаласында Ұлттық шұғыл медицинаны үйлестіру орталығының базасында Инициатива Angels пен «Қазақстан инсультологтар лигасы» ҚБ ұйымдастыруымен «Train the Trainer Workshop» атты халықаралық воркшоп өтеді.
Іс-шараға Әзербайжан, Қазақстан, Қырғызстан, Моңғолия, Тәжікстан, Түрікменстан және Өзбекстан елдерінен мамандар қатысады. Қатысушылар инсульт кезінде медициналық көмек көрсетудің заманауи тәсілдерін, соның ішінде науқастарды бағыттау, диагностика және емдеудің озық әдістерін талқылайды.
Бағдарламаға интерактивті шеберлік сабақтар, клиникалық симуляциялар және практикалық сессиялар кіреді. Бұл формат медициналық мамандардың біліктілігін арттыруға және тиімді командалық өзара іс-қимылды дамытуға бағытталған.
Қазақстан соңғы жылдары инсульт қызметін дамытуда айтарлықтай жақсы көрсеткіш көрсетіп отыр. Атап айтсақ, мамандандырылған орталықтардың саны артып, заманауи емдеу әдістерінің қолжетімділігі кеңеюде. Бұл өз кезегінде осындай халықаралық кездесулердің өзектілігін арттырады. Воркшоп Орталық Азия елдерінде инсультпен күрес саласындағы халықаралық ынтымақтастықты нығайтуға және тәжірибе алмасуға арналған маңызды алаң болып табылады.
