Энергетика вице-министрі Қайырхан Тұтқышбаевтың мәліметінше, биыл 1 қаңтардағы жағдай бойынша елдегі газдандыру деңгейі 64,2%-ға жетті.
Өткен жылы 94 елді мекенге газ тартылып, 82 газбен жабдықтау жобасының құрылысы аяқталды.
Газдандыру деңгейі еліміздің батыс өңірлерінде, Жамбыл облысында, сондай-ақ Алматы және Шымкент қалаларында 90%-дан асады. Алматы, Қызылорда, Түркістан, Қостанай және Жетісу облыстарында 60-90% аралығында. Ал Қарағанды, Ақмола және Ұлытау облыстарында бұл көрсеткіш 60%-дан төмен.
Биыл республикалық бюджеттен газ тасымалдау жүйесін дамытуға 27,3 млрд теңге бөлінді. Соның нәтижесінде газдандыру деңгейін 64,3%-ға дейін жеткізу және қосымша 32 мың адамды табиғи газбен қамту жоспарланып отыр.
