Қасым-Жомарт Тоқаевты Ресей Федерациясының ресми тұлғалары күтіп алды
Мемлекет басшысы ХХІІ Қазақстан – Ресей өңіраралық ынтымақтастық форумына қатысу үшін Омбы қаласына барды.
Қасым-Жомарт Тоқаевты Ресей Федерациясы Үкіметі төрағасының орынбасары Алексей Оверчук, Омбы облысының губернаторы Виталий Хоценко және басқа ресми тұлғалар күтіп алды.
Ауқымды шара аясында Қасым-Жомарт Тоқаевтың Ресей президенті Владимир Путинмен екіжақты кездесуі мен өңіраралық ынтымақтастықты дамыту мәселелерін талқылауы жоспарланған.
