OpenAI жаңа GPT-6 Astra жасанды интеллект моделін таныстырғанын мәлімдеді.
Компанияның хабарлауынша, жаңа модель браузер және компьютермен жұмыс істеу, бағдарламалау, киберқауіпсіздік, ғылым және кәсіби тапсырмаларды орындау бағыттарында жетілдірілген.
Сондай-ақ әзірлеушілер GPT-6 Astra пайдаланушының мақсатын түсіну және берілген тапсырманың шегінен шықпау қабілеті бойынша алдыңғы модельдерден айтарлықтай жақсарғанын айтады.
Компания мәліметінше, GPT-6 Astra алдымен шектеулі ұйымдарға ұсынылып, кейін ChatGPT Plus, Pro, Business және Enterprise қолданушыларына, сондай-ақ OpenAI API арқылы қолжетімді болмақ.
