Сауд Арабиясының азаматтық инфрақұрылымына жасалған шабуылдарға байланысты ҚР Сыртқы істер министрлігі аталған елде жүрген қазақстандықтарға сақтық шараларын қатаң сақтап, жергілікті билік органдарының нұсқауларын орындауды ескертті, деп хабарлайды Astana TV.
Сондай-ақ азаматтарға аса қажеттілік болмаса, әуежайларға бармауды және рейстердің мәртебесін әуе компанияларынан алдын ала нақтылауды; адам көп жиналатын орындар мен қауіпті нысандардан аулақ болуға кеңес береді.
Шұғыл емес сапарларды мүмкіндігінше кейінге қалдыруды ұсынады.
Төтенше жағдай туындаса, Қазақстанның Эр-Риядтағы Елшілігіне немесе Жиддадағы Бас консулдығына хабарласуға болады.
Жедел байланыс нөмірлері:
Эр-Риядтағы консул: +966 55 663 01 77
Жиддадағы консул: +966 53 275 80 80
