$444.3 €490.91 ₽5.41

Мәнерлеп сырғанаудан Софья Самоделкина бесінші орын иеленді

Мәнерлеп сырғанаудан Софья Самоделкина бесінші орын иеленді
ҰОК

АҚШ-тың Эверетт қаласында мәнерлеп сырғанаудан Гран-при сериясының кезекті кезеңі мәресіне жетті

Әйелдер арасындағы жекелей сында Қазақстан атынан сынға түскен Софья Самоделкина екі бағдарлама қорытындысы бойынша бесінші орынға ие болды, деп хабарлайды Astana TV.

Қысқа бағдарламадан кейін отандасымыз 61,03 ұпай жинап, 11-орынға жайғасқан еді.

Еркін бағдарламада Софья 137,56 ұпай еншілеп, төртінші орын алды. Осылайша, қос бағдарлама қорытындысында 198,59 ұпай жинаған қазақстандық спортшы бірден алты сатыға көтеріліп, жарысты бесінші орынмен аяқтады.

236,81 ұпай жинаған жапониялық Ами Накаи жеңімпаз атанды. Екінші орынды бейтарап мәртебеде өнер көрсеткен ресейлік Александра Игнатова (213,90) иеленді. Ал үздік үштікті тағы бір жапониялық Рино Мацуике (211,63) түйіндеді.