Қазақстанның барлық қалаларында балабақша бағасы қымбаттады. Ranking.kz. сайтының хабарлауынша, төлемақы былтырғымен салыстырғанда 5%- ға өскен. Балабақша бағасы ең қымбат қала - Астана. Елордада бақшаның бір күні үшін 1862 теңге төленеді. Мектепке дейінгі мекемелердің құны шарықтаған қалалардың үштігіне Алматы мен Шымкент те кіреді. Шымқалада балабақша бағасы күрт көтерілген. Тек соңғы жылы ғана өңірде төлемақы 20%-ға дейін артқан. Әзірге Ақтөбе, Қызылорда, Талдықорған, Тараз, Жезқазған шаһарларында баға тұрақты. Алайда балабақша қызметкерлерінің жалақысы өспеген. Бір жылдың ішінде олардың табысы 1% ғана артты. Нәтижесінде жалақы 60 мың теңгеден сәл асқан, - дейді сарапшылар.
