Қазақстан
Мьянма үкіметін елдегі рохинджа-мұсылмандарының жағдайына байланысты
проблемаларды түбегейлі жоюға шақырады. "Бұл туралы БҰҰ Қауіпсіздік Кеңесінің Мьянмадағы ахуал бойынша өткен отырысында
Қайрат Омаров мәлімдеді", - деп хабарлайды Сыртқы істер министрілігі.
Қазақстан
Елшісі осыдан бір жыл бұрын Мьянмадан Бангладешке 700 мыңнан астам
рохинджа-мұсылмандары қашқан кезде халықаралық қоғамдастық ең ірі гуманитарлық
апаттардың біріне куә болғанын атап өтті. Сәуір айында Қазақстан Бангладештегі Кокс-Базар қаласының маңында
орналасқан рохинджа-босқындарға 500 мың доллар көлемінде гуманитарлық көмек
көрсетті.
Қайрат Омаров, Қазақстанның Біріккен Ұлттар Ұйымы жанындағы тұрақты өкілі:
Этникалық
рохинджа халқы өкілдерінің жүріп-тұру бостандығына, сондай-ақ білім алу,
денсаулық сақтау және өмірлік дағдыларына қол жеткізуге қатаң шектеулер әлі
бар. Рохинджа-босқындар кепілдікті, қауіпсіздікті және осы мәселелер бойынша
нақты прогресті көріп тұрған кезде ғана елге оралады.
