А321
ұшағының апаты Ресейге ғана емес, Мысыр билігіне қарсы іс-қимыл болуы ықтимал.
Бұл туралы "Коммерсант" газеті дереккөздеріне сүйене жазуда.
Мәскеулік Карнеги орталығының сарапшысы Алексей Малашенконың айтуынша, Синай
жартылай аралындағы апат Мысыр президенті Абдель-Фаттаха ас-Сисидің беделіне
күрделі нұқсан келтірген. Ұшақ апатының салдарынан мысыр экономикасы туризмнен
түсетін миллиардтардан айырылмақ.
Еске салсам, қараша айының сегізі күні Владимир Путин Шарм-Эль Шейхқа ұшуға тыйым салатын жарлыққа қол қойған болатын.
"Коммерсант" газетінің таратқан ақпаратына сенсек, бұл тыйым «бір
жылға» созылуы ықтимал. Қазірдің өзінде Шарм-Эль Шейхтағы қонақ үй иелері
табыстарының 70 пайызға кемитінін айтып жатыр. Ал Мысырға ұшақтардың ұшпауынан ел
экономикасы күн сайын 4 миллион доллардан қағылып отыр.
Берік ХАСЕНОВ