«Самұрық-Энерго»
компаниясы оңтайландыру шеңберінде инвестициялық бағдарламаларын 28 млрд теңгеге қысқартты. Бұл туралы компанияның басқарма төрағасы Алмасадам Сатқалиев мәлімдеді.
Айтуынша, компания Семейдегі №3
жылу электр орталығы мен Алматы қаласындағы ірі гидростанция құрылысын
тоқтатқан. Енді олар
жергілікті атқарушы органдардың құзретіне өтеді. Инвесторлар тартылып, құрылыс
жұмыстары аяқталуы тиіс, дейді басқарма төрағасы. «Самұрық-Энерго» өзге де
бірқатар жобаларды уақытша тоқтатуға мәжбүр. Арасында Ерейментаудағы тікұшақтар
паркінің 3-ші кезеңі, Оңтүстік
Қазақстандағы 50 мегаВаттық күн электростанциясының құрылысы бар.
Алмасадам Сатқалиев, «Самұрық-
Энерго» АҚ басқарма төрағасы:
Курстық
бағам айырмашылығы 75 миллиард теңгені құрап отыр. Бұл компаниямыздың жұмысына әсер етеді.
Акционерлермен, директорлар кеңесімен
бірлесіп, шығындарды азайтуды
көздедік. Елбасы тапсырмасына сәйкес,
2015 жылғы экономикалық жағдайды ескере отырып, «Самұрық-Энерго» инвестициялық
бағдарламаларын 28 млрд теңгеге немесе 23 пайызға қысқартты, ағымдағы
шығындарды 9 млрд теңгеге немесе 5 пайызға төмендеттік.
Ләйлә ҚАЗИЯҚПАРОВА