Жеңістің
70 жылдық мерейтойына орай, аймақтардан Елордаға 244 Отан соғысының ардагері
келеді. Бірінші болып Астанаға атыраулық майдангер-қарттар келуі тиіс. Қорғаныс
министрлігінің баспасөз қызметі таратқан ақпаратқа сай, ардагерлер әскери
салтанатты шеруге қатысады. Сондай-ақ, Жеңістің 70 жылдығына жоспарланған өзге
де мерекелік шаралардың басты қонағы болмақ. Атап айтар болсақ, «Қазақстан»
концерт залында, «Астана
опера»
театрында өтетін мәдени шараларға қатысып, бас қаладағы сәулеті келіскен
нысандарды араламақ. Салтанатты мерекелік шаралардан соң, Қазақстаннан 6
ардагер Мәскеуде өтетін мерекеге аттанады.
Ләйлә ҚАЗИАҚПАРОВА
