Дәл осы аптада Желтоқсан оқиғасын қалай еске алмаймыз.
1986 жылы 17 — 18 желтоқсан аралығында Алматыда болған қазақ жастарының КСРО өкіметінің отаршылдық, әміршіл-әкімшіл жүйесіне қарсы наразылық іс-қимылдары бостандыққа, тәуелсіздікке ұмтылған қазақ халқы тарихындағы мағынасы зор оқиға.
Тіпті көзін кіреуке шалмаған орыстардың өзі Желтоқсан оқиғасы кеңес өкіметінің «өлімін» жақындатқан бірінші наразылық акциясы екенін біледі: -Жастар бірінші хатшы қызметіне орыс ұлтының өкілі тағайындалғанына наразылық білдірді. Бұл – одақтық республикалардағы басқа да толқулардың басы болатын», - деп жазған-ды, ресейлік тележурналистердің ішіндегі сыйлауға тұратын Леонид Парфенов, өзінің «Намедни. Наше время» кітабында.
...Тәуелсіздік ше?
Ол – менің тегім,
ұлдарыма оны дарыттым.
Тәуелсіздік – мен,
ол – менің асқақ аңызым,
Болмысы ол ұлдың өзіңнен туған, Жарық Күн!
-деп, ақын Ерлан ЖҮНІС жырлағандай, «Менің атым – Тәуелсіздік!»
Алайда,
...Шындық кейде қалың «арпа ішіндегі бір бидай»,
Неге әділдік күресінде жұрттың көбі «Тымпибай?»
Рухсыздыққа кім шын мінез көрсетпесе қырғидай,
Ондайлардың бүгінгі аты – Ырбикүл мен Жырбибай.
-деп аяқталатын Мұхтар Шахановтың да толғауы
бар... «Біздің уақытты» «astanatv.kz»
сайтынан оқып, көре аласыздар. Келесі сенбіде жүздескенше!
