Аяз атаға хат жазған балалардың тілегін жомарт жандар
орындады. Жаңа жылдың басты кейіпкеріне 300-ден астам өскемендік жеткіншек хат
жазған. Соның ішінде көмекке мұқтаж отбасылардың ұл-қыздарына тосын сыйды
қарапайым халық жасады. 20-дан астам
бүлдіршіннің арманы орындалды.
13 жастағы Таня Вальтердің қимыл-тірек жүйесіне
зақым келген. Ол өзіне аяқтың бұлшық етін нығайтатын тренажер, ал 3 жасар
інісіне ойыншық көлік сыйлауды өтініпті.
Баланың хатын оқыған Өскемен тұрғындары ақша шығарып керек-жарақтарын сатып
әперген. Жомарт жандар өздерінің
аты-жөнін атағанды қаламайды. Ал Аяз ата мен Ақша қардың сыйлығы ұл-қыздардың
есінде ұзақ сақталары анық.
Валентина Вальтер:
Тренажерді армандағанымызға 3-4
жылдың жүзі болды. Таня аяғымен жүре алмайды. Перзентім денсаулығын түзеу үшін, көп
қимылдап, жаттығулар жасауы керек. Сатып алуға жағдайымыз келмейді. Енді міне
көптен күткен арманымыз орындалды.
