Ақтөбеде лаңкестік оқиғада жараланған 8 адам әлі де ауруханада ем алуда. Бұл
туралы денсаулық сақтау және әлеуметтік даму министрлігі жазбаша ақпар таратты.
Маусымның 5-і мен 13-і аралығында 40 азамат дәрігерлердің көмегіне жүгінген.
Олар қанды қырғында зардап шеккендер. 17-іне амбулаторлық көмек көрсетілсе, 23
адам аурухана кереуетіне таңылған. Жарақаты тым ауыр 3 азамат көз жұмды.
Бүгінге дейін 11 емделушінің жағдайы жақсарып, үйлеріне қайтқан. Әскери
бөлімдегі қақтығыста ауыр жараланған Сырым Сүндетов санавиацияның көмегімен
Астанадағы нейрохирургия ұлттық орталығына жеткізілді. Ақтөбедегі ауруханаларда
жатқан 8 адамның жағдайы орта деңгейде ауыр деп бағаланып отыр.
Мансұр ЕСҚОЖИН
