Футболдан
Қазақстанның жастар құрамасы Еуропа біріншілігінің іріктеу кезеңін жеңіспен
бастады. Босния мен Герцеговинаға қонаққа барған отандастарымыз 2-1 есебімен
басым түсті. Ал «Астана» велошабандозы Фабио Ару «Вуэльта»
көпкүндігінде жеңімпаздың «Қызыл
жейдесін» еншіледі. Өзге де спорт жаңалықтары келесі топтамада.
Теннистен
АҚШ ашық біріншілігінде өнер көрсетіп жатқан отандасымыз Михаил Кукушкин 3
кезеңге жолдама алды. Әлемнің 17-ші ракеткасы болгариялық Григор Димитровпен
кортқа шыққан спортшы турнирдің басты сенсациясын жасады. 3 сағат 17 минутқа
созылған тартысты ойын 5 сет қорытындысы бойынша 6:3, 7:6, 2:6, 4:6, 6:4
нәтижесімен аяқталды. 3-2 есебімен жеңіске жеткен Кукушкин кездесу барысында 2
эйс және 6 брейк жасады. Әлемдік рейтингте 56 орында тұрған қазақстандық
теннисші келесі кездесуін Хорват Марин Чиличке қарсы өткізеді.
«Астана»
велошабандозы Микель Ланда «Вуэльта» көпкүндігінің 9-шы кезеңінде сәтсіздікке
ұшырап жалпы есептегі жағдайын қиындатып алған еді. Бірақ қайсар спортшы келесі
таулы кезеңде барымды саламын деп уәде берген. Испандық шабандоз сөзінде тұрып,
«Корольдік» қашықтық деп аталатын кезеңнен үздік шықты. Бас-аяғы 138 шықырымдық
бәсекеде алты күрделі асуды бағындырды. Мәреге санаулы шақырымдар қалғанда, қалың пелотоннан қара үзіп кеткен Фабио Ару мен Хоаким Родригесті басып, озып жеңімпаз атанды. Мәреге екінші
болып «Астана» командасының тағы бір
өкілі Фабио Ару келді. Осылайша Ару жеңімпаздың «Қызыл жейдесін» еншіледі.
Футболдан
Қазақстанның жастар құрамасы Еуропа біріншілігінің іріктеу кезеңін жеңіспен
бастады. Босния мен Герцеговинаға қонаққа барған отандастарымыз тартысты өткен
кездесуде 2-1 есебімен басым түсті.
Ойынды өте ширақ бастаған Саулюс Ширмялис шәкірттері бірінші кезеңде Мирас
Тулиев пен Абат Айымбетовтің көмегімен екі бірдей гол салды. Ойынның екінші
бөлігінде алаң иелері қарымта бір ғана голмен жауап қайтара алды. Келесі
кездесуін жастар құрамасы 7 қыркүйек күні Алматыда Швейцариямен өткізеді.
