Ресей президенті Владимир Путин Сочидегі резиденциясында елде жұмыс сапарымен жүрген
Қазақстан мен Беларусь президенттерімен үшжақты биресми кездесу өткізген. Бұл жайында Кремльдің баспасөз қызметі ақпарат таратты. Беларусь мемлекет
басшысының ресми сайтында, көшбасшылар Экономикалық одақ жайын және халықаралық
мәселелер төңірегінде пікір алмасты, деп хабарланады.
Еске салайық, Қазақстан Президенті Сочи
қаласына кеше кешкісін барды. Сапар аясында Елбасы Қазақстан мен Ресейдің XII
өңіраралық ынтымақтастық форумына қатысады. Форумның негізгі тақырыбы - "Агроөнеркәсіп кешені саласындағы ынтымақтастық және азық-түлік қауіпсіздігін
қамтамасыз ету". "Сонымен қатар, Ресей президентімен, сондай-ақ Свердлов
облысының және Урал федералдық университетінің басшылығымен кездесулер
жоспарланған", - дейді Ақорда.
Т.ОСПАНБАЕВА
