Еуроодақ
пен АҚШ Ресейге қарсы санкцияларды 2016 жылға дейін ұзартпақ. Бұл туралы
Bloomberg хабарлады. Еуроодақ елдері мен АҚШ-тың болжамынша, жыл аяғына
дейін Украинаға қатысты бейбіт келісім жасау мүмкіндігі нашарлайды.
«Минск-2»
келісімін ұзарту жайын «норман төрттігі» қазанның екісінде Парижде талқылайды, деп күтілуде. «Уақытша бітімнің сақталуы
санкциялардың созылатынын білдіреді», - деді Франция, АҚШ және
Германияның бірқатар лауазымды шенеуніктері.
Вашингтон Еуроодақтағы әріптестерімен әлі тығыз қарым-қатынаста және, Ресей
бейбіт келісімге қарсы міндеттемелерді орындамаған жағдайда, санкцияларды
қолдауға дайын екенін хабарлады.
Бірқатар батыс елдері Қырымның қосылуынан кейін, Украинадағы оқиғаларға
байланысты Ресейге қарсы санкциялар енгізгені белгілі.
Базаргүл ОТЫНШИЕВА
