Қазақ хандығының 550 жылдығына орай жолға шыққан Қазақстан халқы
ассамблеясының мүшелері Шығыс Қазақстан облысындағы «Ақ бауыр» бірегей
кешенінде болды. Қос таудың ортасында орналасқан кешен аспан асты мұражайына
ұқсас. Ғаламның
4 бұрышын көрсетіп тұрған бағыттары да бар.
Бұл жерде құрбандық шалынып,
әдет-ғұрыптар мен рәсімдер жасалған деген болжам айтылады. Оған қабырғадағы
жануардың қаны мен салынған суреттер дәлел. Соңғы кездері мәдениет
зерттеушілері әлемнің түкпір-түкпірінен келіп, «Ақ бауырдың» сырын ашуға
әрекеттеніп жатыр. Ғалымдар үңгірдегі суреттердің Ертіс бойындағы қауіпсіз
жолды көрсететінін дәлелдеген. Мұз кезеңінде мұндай бағыт-бағдардың маңызы зор
болған. Тарихшылар Алтай төңірегінде біздің заманымыздан бұрынғы жазу-сызба
ескерткіштерінің барына сенімді.
Мансұр ЕСХОЖИН