Қарағандыда
ер балаларға арналған қазақ-түрік лицейінің директоры мен тәрбиешісі қызметінен
шеттетілді. Оған оқушылар арасындағы жаппай төбелес себеп болған. Бұл
туралы облыстық білім басқармасы басшысының орынбасары айтты.
Қаладағы №1
қазақ-түрік лицейіндегі төбелес оқу жылы бастала салысымен орын алып, салдарынан
15 оқушы дене жарақатын алған. Бұлар лицейге жаңадан келген екен. Мектеп
табалдырығын аттай сала соққыға жығылған жеткіншектердің ата-анасы полицияға
шағымданды. Қазір сотқа дейінгі тергеу
амалдары басталған. Білім басқармасы да қызметтік тексеріс жүргізуде. Мектеп
басшылығы болса, ешқандай ақпарат бермей отыр.
Бақтыгүл
Әдекенова,
Қарағанды облыстық білім басқармасы басшысының орынбасары:
Біз, педагогтар, білім ошағында мұндай сорақылыққа жол берілмеу керек, деп есептейміз.
Сондықтан тексеруден кейін қатаң шара қолданамыз. Кінәлілер жұмыстан қуылуы да
мүмкін.
Айжан ҚУАШ
