Отандасымыз
Геннадий Головкин мен канадалық Давид Лемье жекпе-жегінің билеттері толық
сатылып кетті. Оның құны 50 доллардан басталып, ең қымбат орындар 500 долларға
дейін барған. Бокс шоуы Madisson Square Garden тарихында алдын-ала сатылған
билеттер саны бойынша ең жоғары көрсеткішке жетті. Айта кетейік, аталмыш
сарайға 18 200 адам сыяды.
Күллі әлем күтіп отырған жекпе-жек жексенбіде таңғы сағат 7-де басталады. Бұл
кездесу қос былғары қолғап шебері үшін де белдіктер бірігетін PPV алғашқы ақылы
жұдырықтасуы болмақ. Мамандар 36 кездесуінің 34-ін, оның 31-ін нокаутпен
аяқтаған боксшы трипл-джи үшін ең маңызды сын деуде. Бірақ канадалық, біздің
жерлесімізге қарағанда, екі рет жеңілістің ащы дәмін татты. Ал Головкиннің
статистикасында 33 жеңіс, оның 30-ы нокаутпен бітті.
Әрбір қадам
барған сайын маңызды бола түсуде. Давид мықты. Ол чемпион, демек қауіпті. Оны
барлығы біледі, түсінеді. Бірақ көпшілік менің стилімнен де хабардар.
Көрермендер үшін, телеарналар үшін, жалпы боксшылар үшін қызықты оқиға болады.
