Қазақстанда митингке
шығушылардың басым бөлігі коммуналдық төлемдердің қымбаттауына қарсылық
білдіреді екен. Елдегі «Адам құқықтарының ахуалы туралы» баяндамада осындай
дерек келтіріледі. 2012- 2014 жылдар аралығында барлығы 497 акция
тіркелген. Оның 324-і рұқсат етілмеген. Наразылық танытушылардың көбі Алматы,
Астана және Шығыс Қазақстан облысында. Митингке шығушыларың қоятын негізгі талаптары мынадай, 39 пайызы -
коммуналдық тарифтердің көтерілуіне қарсы, 30 пайызы - өмір сүру деңгейін және
жалақыны көтеруді талап еткен. Тұрғын үй-құрылыс проблемаларын шеше алмағандар
18 пайыз және 13 пайызы басқа да талаптар. Екі жыл ішінде наразылық акцияларына
190 мың адам қатысқан. Айта кетейік, ҚР-сы Конситутциясының 32-бабында
азаматтар бейбіт әрі қарусыз жиналуға, жиналыстар, митингтер, шерулер өткізуге
және тосқауылдарға тұруға құқылы.
