«Астана» футбол клубының бас бапкері Станимир Стойлов, Қазақстан футболының келешегін ойлап отырған жоқ. Ол өзінің жағдайы мен жалақысын ғана ойлайды». Қазақстан футболының ардагері Құралбек Ордабаев, біздің арнаға берген сұхбатында осылай деді. Чемпиондар лигасының топтық кезеңінде Мадридтің «Атлетико» клубына қонаққа барған «Астана» командасы 4-0 есебімен ойсырай ұтылды. Бұл кездесуге бас бапкер Станимир Стойлов қосалқы құрамның ойыншыларын шығарды. Елордалық клубтың 6 бірдей негізгі футболшысы Астанада қалды. Себебі алдағы демалыс күні «Астана» футболшлары Алматының «Қайрат» клубымен сынға түседі. Дәл осы кездесу футболдан Қазақстан чемпионын анықтайды. Осы шешімге қарағанда болгариялық маман үшін төрткүл дүние көз тіккен чемпиондар лигасынан гөрі ел біріншілігің ойындары маңызды болып отыр-деді Құралбек Ордабаев.
Құралбек Ордабаев,Қазақстан футболының ардагері:
Аға тренер Атлетико Мадридке онша ойын жағын көңіл бөлген жоқпын менің ойым Қазақстан чемпионатында чемпиондық атаққа ие болсам болды дейді. Онда не себептен осы уақытқа дейін Лига Чемионда ойнап, группаға кіру үшін қанша әрекет жасады.+ Демек, біздің аға тренер футольный клуб Астананың бүгінгі күні Қазақстан футболын ойлап отырған жоқ. Ол өзінің келешектегі келісім жағында жалақыны бірінші ойлап отыр.
«Барыс» хоккей клубы да жеңілістен көз ашар емес. Астаналық команда осы уақытқа дейін өткен 25 ойынның 17-сінде ұтылды. Қазір үлесінде 29 ұпайы бар «Барыс» 28 команданың ішінде 24-ші орынға түсіп қалды. Жуырда команданың бас бапкері тағайындалған Андрей Назаров та клуб жеңісіне септігін тигізе алмады. Соңғы турда Словакияның «Слован» клубына қонаққа барған қазақстандық ұжым айдын иелеріне 5-3 есебімен ұтылды. Келесі кездесуін «Барыс» командасы 23-ші қазан күні Хорватияның «Медвешчак» клубына қарсы өткізеді.
С.ҚАНАҒАТОВ
