Биыл «Астана-Бурабай» автобанынан
мемлекет қазынасына түсетін алымдар көлемі 1 миллиард теңгеден асады. Көлік
және коммуникация министрі Асқар Жұмағалиев осындай мәліметті жариялады.
«2014 жылы аталған учаскеден 1
миллиард теңгеден астам алым-салық жинап, жолды күту шығындарын толық жабамыз
деп жоспарлап отырмыз», - деді ол ведомствоның алқа жиынында.
Министрдің айтуынша, ақылы жол
енгізілген күннен бастап 8 ай ішінде 500 млн теңгеге жуық қаражат жиналған.
Айта кетейік, өткен жылдың мамыр
айынан бастап «Астана-Бурабай» автобанымен қатынауға ақылы жүйе енгізілген. Жүргізушілер алты жолақты автобанның әр шақырымына 1 теңге
төлейді. Ал, қоғамдық көліктер мен жүк көлігінен 5-тен 20 теңгеге дейін
ақы алынады.
Базаргүл ОТЫНШИЕВА
