Қостанайда «мектептердің біріне бомба
қойылды» деп елді дүрліктірген оқушы анықталды.
Облыстық ішкі істер департаментінің
дерегіне сай, мұндай жалған мәлімдемені таратушы - 14 жастағы қала тұрғыны болып
шыққан. Полицейлер мен төтенше жағдайлар қызметінен құралған арнайы топ жарылғыш
затты іздеуге жұмылдырылды. Сондай-ақ, қоңырау шалынған соң мектепте болған
барлық адам қауіпсіз жерге шығарылды.
Қазір осы оқиғаға қатысты қылмыстық іс
қозғау мәселесі қарастырылып жатыр. Еліміздің
заңдарына сай, мұндай әрекетке барған азаматтың кінәсі дәлелденсе, 7 жылға дейін
жаза арқалауы мүмкін.
Базаргүл ОТЫНШИЕВА
