Бүгін Мемлекет басшысы Ішкі істер министрі Қалмұханбет Қасымовпен кездесті.
Елдегі криминалдық жағдайдың жай- күйі, қылмысқа қарсы күресті күшейту және
қоғамдық тәртіпті қамтамасыз ету шаралары талқыланды. Мемлекет басшысы аса ауыр
қылмыс саны мен ұрлық-қарақшылықтың азайғанын оң үрдіс деп атап өтті. «Астана
мен Алматыда ірі халықаралық іс-шараларды өткізу кезінде қоғамдық
қауіпсіздікті қамтамасыз етудің» маңызын талқылады. Қалмұханбет Қасымов биыл
тіркелген 313 мыңнан астам шағымның 95 пайызы үш күн ішінде қаралғанын айтты.
Нұрсұлтан Назарбаев сондай-ақ Қазақстан халқы Ассамблеясы төрағасының
орынбасары Ералы Тоғжановты қабылдады. Кездесу барысында Қазақстан халқы
Ассамблеясының 21-сессиясын өткізу барысы талқыланды. Ералы Тоғжанов сессия
жұмысына елдің бүкіл аумақтарынан 406 делегат қатысатынын хабарлады. Айта
кетсек, Ассамблеяның 21-сессиясы Астанада 18 сәуір күні өтпек.
Ералы Тоғжанов, Қазақстан халқы Ассамблеясы төрағасының орынбасары:
21-сессияға дайындық аясындағы нақты іс-шаралар айтылды. Сонымен қатар алдымыздағы Ассамблеяның 20 жылдығына байланысты атқарылатын іс-шаралар да ортаға салып талқыланды.
Сымбат МОЛДАТАЙ
