Қырғызстанда үкімет ауысты. Бұл жөнінде Қырғыз ақпарат
құралдары хабарлайды.
Ауыс-түйісті 120 депутаттың 103-і
жақтап, дауыс берген. Бірқатар министрлер
орынтағын босатты.
Атап айтар болсақ, қорғаныс және мәдениет
министрлігінің басшылары жаңарған. Ізінше
кейбір ведомстволардың вице-министрлері де ауысты. Үкіметті Джоомарт Оторбаев
басқаратын болды. Бұған дейін ол бірінші вице-премьер лауазымын атқарған.
Естеріңізге салсақ, наурыз айында «Ата
мекен» партиясы экс-премьер Жанторо Сатыбалдиевтың жұмысына көңілдері
толмайтынын жеткізіп, коалиция қатарынан шығып кеткен. Мұнан соң Сатыбалдиев отставкаға кетуді ұйғарды. Наурыз
айының соңында жаңа коалиция жасақталды. Бірақ құрамы өзгерген жоқ.
Ләйлә ҚАЗИЯҚПАРОВА