Солтүстік
Корея кезекті ядролық сынақ өткізуге әзірлік үстінде. Бұл осымен төртінші
жарылыс болмақ. Ресми Пхеньян таратқан мәліметте сынақ мемлекеттің абройы мен
егемендігін қорғау үшін қажет. Сондай-ақ бұл әрекет Сеул мен Вашингтонға қыр
көрсету мақсатында жасалатыны жазылған.
Америкалық спутниктерден түсірген
суреттерге қарағанда, алдыңғы жарылыс сынақтары өткен Пхунгери полигонында жұмыс
қызу жүріп жатыр. Оңтүстік кореялықтар да мұны растап, шахталардың біріне
жарылғыштар қойылып, кіреберісі цементпен бектілгенін айтуда. Дегенмен
сарапшылар сынақтың нақты қай күні өтетінін дөп басып айтпайды.
Бұған дейін
Солтүстік Корея 2006, 2009 және 2013 жылдары ядролық сынақтар өткізген.
Мөлдір
БАҚЫТҚЫЗЫ
