Кавказ бен Орталық Азия елдерінің 5
млн-нан астам тұрғынының тойып тамақ жеу мүмкіндігі жоқ. Бұл біріккен ұлттар ұйымының азық-түлік және
ауылшаруашылығы орталығының мәліметі.
Орталық сарапшылары Қырғызстан,
Тәжікстан және Өзбекстанға ден қойған. Олардың есебінде бұл үш елде тоя тамақ
жемейтіндер үлесі 5%-дан асып жығылады. Мәселен, Қырғызстанда 300 мыңнан астам адам ашқұрсақ. Өзбекстанда 1,6 млн, ал Тәжікстанда
тіптен 2 миллионнан астам адам тоймайды. Бұл елдерде тоқсаныншы жылдардағы
ашаршылық көрсеткіші өзгеріссіз қалды, дейді мамандар.
Біріккен ұлттар ұйымының
ақпаратына сүйенсек, жалпы Кавказ бен Орталық Азия халқының 7%-зы, яғни бес
жарым миллион тұрғыны ашаршылықтың зардабын тартып отыр.
Айгүл ӘДЕПБАЙ
