Демалыс күндері Алматыдағы «Медеу»
табиғи бағында «Парктер шеруі» өтті. Шараға
қалалық экология инспекциясы және жас табиғат жанашырлары қатысты. Олар парк
аумағында ағаш көшеттерін отырғызып, көріктендіру жұмыстарына атсалысты.
Айта өтейік, «Парктер шеруі»
халықаралық табиғатты қорғау акциясы еліміздің әр аймағында 1997 жылдан бері
ұйымдастырылып келеді. Бұл шара туған жердің
тұнық табиғатына сүйіспеншілікпен қарап, қамқорлық жасауға шақырады, дейді
ұйымдастырушылар. Қатысушылар болса, бұл шара біз үшін естен кетпес еңбек
мерекесіне айналды деп отыр.
Гүлзат Айғали:
Біздер 100-ден аса терек отырғыздық. Аталарымыз
айтқандай,
артыңнан мал қалғанша, тал қалсын деген гой. Осы дәстүрді ұстанып, біз алғашқы рет өзімізге аллея орнаттық.
М.СЕРІКҚЫЗЫ
