Бүгін Қазақстанның басым аймақтарында
күн райы салқындайды. Бұл туралы ТЖМ-інің баспасөз қызметі қазір ғана хабар таратып,
сақ болуға шақыруда.
«21 мамыр күні ауа райы құбылмалы
болады, кейбір аймақтарда жауын-шашын болып, тұман түседі, жел күшейеді. Ал
еліміздің солтүстік аймағында түнде суық ауа райы сақталады», - дейді мамандар.
Ақмола, Алматы, Павлодар, Қарағанды, Шығыспен Солтүстік Қазақстан, Қостанай мен
Жамбыл облыстарында жел күшейеді. Солтүстік пен шығыста суық ауа райы сақталып,
түнде -5 градусқа дейін төмендейді.
Ал кеше шығыста бірден қар жауып,
қыстың қайта келгенін айтқанбыз. Табиғаттың
тосын мінезінен жергілікті тұрғындар абдырап қалды. Ауа райын болжаушылардың
дерегі де көңілге қуаныш ұялата қоймады. Өңірде қара суық мамырдың 23-не дейін
сақталады.
Илхам ИБРАГИМ
