Наро-Фоминскдегі жойқын темір жол
апатына рельстің жарылып кетуі себеп болған. «ИТАР-ТАСС» агенттігі Мәскеудің
көлік департаментіне сілтеме жасай отырып, осындай ақпар таратты.
Айта кетейік, Мәскеу түбінде жүк
пойызы мен жолаушылар пойызы соқтысып қалған. Молдавия көлік министрлігі
апаттан 10 адам мерт болып, 50-і түрлі деңгейде жарақат алғанын мәлімдеді. Ал
Ресей билігі тек 5 адам қаза тапқанын хабарлауда.
Куәгерлердің айтуынша, тауар тиеген
пойыз рельстен шығып кетіп, Кишинев бағытындағы жолаушылар тасымалдайтын екі
пойызды соғып өткен. Бірнеше вагонның
тас-талқаны шықты. Қазір бұл дерек бойынша қылмыстық іс қозғалды. Тергеушілер, пойызда қауіпсіздік ережелері сақталмаған
деген пікірде. Апат болған жерде құтқару шаралары жалғасуда.
Базаргүл ОТЫНШИЕВА
