Бензін бағасы қымбаттамайды. Алдағы маусым айында баға сол қалпы тұрады, деп
сендірді Мұнай жәнен газ министрі Ұзақбай Қарабалин.
Ұзақбай Қарабалин, ҚР Мұнай және газ министрі:
Бүгін бензин бағасы қымбаттайды деп айта алмаймын. Алдағы
маусым айында бензин бағасы өзгермейді. Сол кезде қор қанша екенін және Ресейден қанша импорт жасалатыны және өз
зауыттарымыз нарықта қаншалықты көлем барын қарап шешім аламыз. Қиындықтар жоқ
әзірге.
Айта кетерлігі, бұған дейін
бензин бағасы тағы да шарықтайды деген ақпарат тарап, жүргізушілерді алаңдатқан
еді. Алайда сала министрі бұл ақпаратты жоққа шығарды. Жанармай құнының өзгеру-өзгермеуі маусым айының аяғында белгілі болмақ. Әзірге қор бар. Енді Ресей нарығында
өзгеріс болмаса деп тілеу керек. Ұзақбай Қарабалин Қашаған бойынша да айтып,
ақау шыққан екі құбырды да ауыстыру керектігін айтты.
Министрдің сөзінше, мұнай
құбырлары 2015 жылдың соңына қарай салынып бітеді деп күтіліп отыр. Мәжіліс
депутаттары Қазақстан мен Ресей арасындағы мұнай және мұнай өнімдерін жеткізу
саласындағы сауда-саттық ынтымақтастық туралы келісімге енгізілген өзгертулерді
мақұлдады. Заң жобасына сай, қос тарап бір-бірінен қанша көлемде мұнай алатынын, қанша
мұнай беретінін реттейді. Мәселен, Қазақстан ашық түсті
мұнай өнімдерінің экспорттық баж салығын көтеріп, Ресейдің ашық түсті мұнайының
реэкспортына тыйым салады.
Айгүл ӘДЕПБАЙ
