Үкімет құрамындағы жаңа тағайындау. Ақмола облысының
бұрынғы әкімі Қосман Айтмұхаметов Өңірлік даму министрінің жаңа орынбасары
болып тағайындалды. Бұл туралы ақпарат министрліктің сайтында жарияланған. Ал
осы күнге дейін вице-министр қызметін атқарған Серік Нокин, осы ақпаратқа
сүйенсек, өз еркімен қызметінен босатылған.
2002 жылы Нокин Атырау облысы
әкімінің орынбасары, 2006 жылы Ақтөбе облысы әкімінің орынбасары болды.
2008-2009 жылдары Индустрия және сауда министрлігінің Құрылыс және тұрғын
үй-коммуналдық шаруашылық істері жөніндегі комитетінің төрағасы қызметін
атқарды. 2013 жылдың ақпанынан бастап, ҚР Өңірлік даму вице-министрі болды.
Оның жаңа қызметке тағайындалуы туралы әзірге дерек жоқ.
Базаргүл ОТЫНШИЕВА
