Шығыс Қазақстан облысында оннан астам
турист қауіпті аймақтан түгелдей шығарылды. Кеше құтқарушылардың көмегімен
Глубокое ауданының Карагужиха ауылында Оба өзенінің жағалауында 11 турист
құтқарылып, қауіпсіз жерге көшірілген-ді.
ҚР ТЖМ таратқан ақпарат бойынша, «олар
жүзуге арналған құралдарын жоғалтып, қауіпті аймақта қалып қойған». Зардап шеккендер жоқ.
