Бразиялияда футболдан өтіп жатқан әлем
чемпионатына қатысты наразылық акциялары үдеп барады. Рио-де-Жанейро қаласында
Маракана стадионына басып кірмек болғандарға қарсы полиция көз жасаурататын газ
қолданды. Ол кезде стадионда Аргентина және Босния-Герцеговина құрамаларының
кездесуі өтіп жатқан.
150-ден астам ереуілші FIFA Go Home
деген жазуларды көтеріп, футбол федерациясына қарсылық білдірді. Футболдан әлем чемпионаты маусымның 12-нде басталғаны
белгілі. Ал қарсылық шаралары әлемдік додадан бірнеше ай бұрын басталып кетті.
Наразы топ Әлем чемпионатына кеткен қаржыны, елдің дамуына жұмсау қажет еді
деген пікірде.
Илхам ИБРАГИМ
