Бүгін Елбасы Нұрсұлтан Назарбаев
Байланыс және ақпарат агенттігінің төрағасы Асқар Жұмағалиевті қабылдады. Төраға Мемлекет басшысына агенттіктің қазіргі жұмысы туралы баяндады. Сондай-ақ, «Ақпараттық
Қазақстан-2020» мемлекеттік бағдарламасындағы міндеттерді ескере отырып, отандық
ақпарат кеңістігін дамыту жоспарларымен де бөлісті.
Нұрсұлтан Назарбаев өкілеттігі
мен құрылымы айқындалған агенттіктің толыққанды қызметіне кіріскенін және
алдына қойылған маңызды міндеттерді тиімді шешуі керектігін атап өтті. Агенттік
төрағасы байланыс және ақпарат саласындағы ахуал, мемлекеттік БАҚ-тардың
жұмысы, медиа-нарықты ынталандыру және контент сапасын арттыру шаралары жайында
айтты.
Сонымен қатар, ол интернет
желісінің отандық сегментін дамыту және сандық эфирлік телевидениені енгізу
туралы әңгімеледі. Кездесу қорытындысы бойынша Мемлекет басшысы бірқатар нақты тапсырмалар
берді.
Мөлдір БАҚЫТ-ҚЫЗЫ
