Өскемендік жастар көпке үлгі көрсету
мақсатында Кеңес Одағы батырларының саяжолында сенбілік өткізді. Еріктілер
таңертеңгілік ардагерлер аллеясы маңына жиналған. Бас-аяғы отыздан астам белсенді жас осы игі іске ат
салысты. Олар саяжол аумағындағы тұрмыстық қалдықтар мен өзге де қоқыстарды
тазалап қана қоймай Даңқ мемориалы ескерткішінде жазылған батырлар есімінің әрбір
әрпін жарқырата жуып шықты.
Бізге бейбітшілік сыйлаған
бабаларымызға құрмет көрсету қасиетті борышымыз, - дейді жастар. Өскелең ұрпақ
қаладағы мәдени-тарихи нысандарда мұндай тазалық акцияларын дәстүрлі түрде
өткізуді мақсат етіп отыр.
Дәулет Мұқанов, ерікті:
Шынымды айтсам, акцияға мұнша адам келеді деп ойлаған жоқпын. Өте қуаныштымыз. Аталарымыздың ерлігі бізге қашанда
мақтаныш. Менің ойымша, әр адам елінің дамуына қандай да болсын үлес қосуға тиісті.
Қанат ОРАЛБЕК
