Елде кадрлық ауыс-түйіс. Қарағанды облысына әкім болып Нұрмұхамбет
Әбдібеков тағайындалды. Президент әкімшілігінің жетекшісі Нұрлан Нығматулин
жаңа атқамінерді облыс активіне таныстырды.
Нұрмұхамбет Әбдібеков осыған дейін
Ақтөбе облысы әкімінің орынбасары қызметін атқарған. Тау-кен саласы өңір
басшысына таңсық емес. Ол еңбек жолын Шилі сай фосфор зауытында қарапайым шебер
болып бастаған. Бертін келе Индустрия және жаңа технологиялар вице-министрі
қызметін атқарды. Экономика және кәсіпкерлік саласында да тәжірибесі мол.
"Ал
экс-әкім Бауыржан Әбдішев жақын арада басқа қызметке тағайындалмақ", - деді
Президент Әкімшілігінің жетекшісі.
Нұрлан Нығматулин, ҚР Президенті Әкімшілігінің жетекшісі:
Елбасының Нұрмұхамбет Әбдібековті Қарағанды облысының әкімі қызметіне
тағайындау жайлы ұсынысын облыстық мәслихат депутаттары бірауыздан қолдады.
Оның алдында тұрғындардың жағдайын жақсарту мен өңірдің экономикалық әлеуетін
арттыру міндеттері тұр.
Абзал ҚҰРМАНКИН
