АҚШ-тың ішкі жалпы өнімі 2014 жылдың
алғашқы тоқсанында 2,9% ға құлдырады. Мұндай бәсеңдеу соңғы 5 жылда тіркелмеген.
АҚШ сауда министрлігі өкілдері берген мәлімет осыны аңғартады.
Ведомство дерегіне сай, құлдырау жеке
инвестициялар мен экспорттың азаюы себебінен болған. Есесіне, АҚШ-да импорт
көлемі ұлғайған. Статистикалық көрсеткіштер осыны дәлелдеп отыр.
Тағы да сол сауда министрлігі берген
ақпарға сай, тауар экспорты мен қызмет көрсетулер қаңтар-наурыз айларында 9%-ға
дейін төмендесе, импорт 1,8%-ға өсті. Bloomberg
агенттігі таратқан ақпарға көз жүгіртсек, экономисттер жылдың алғашқы тоқсанында
ІЖӨ-нің 1,8%-ға түсетінін болжаған еді. Алайда нақты нәтиже бұдан да нашар
болып шықты. Reuters-тің атап өтуінше, сарапшылар бұған қолайсыз ауа райының да
әсері барын жоққа шығармайды.
Еске салайық, өткен қыста АҚШ-ның
шығысы мен орталық батысы қарлы боранның құрсауында қалды.
