Ирактағы жағдай ушығып тұрғаны мәлім. Осыған
орай, көршілес жатқан Иран өзінің қарулы күштерінің соғысқа дайындығын
тексерді.
Жаяу әскер басшысы Ахмад Ризо
Пурдастан бөлімше шоғырланған жерге келіп, сарбаздардың хал-жағдайымен танысты.
Өз кезегінде Иракта жағдай шиеленісіп тұр. Күн
сайын жүзден аса азамат әскер қатарын толықтырып жатыр. Елдің премьер-министірі Нури аль-Малики өз еркімен әскер қатарына келген
әрбір азаматқа ақшалай сыйлық тағайындайтынын жеткізді. Қолдарына қару алған
ерлердің айтуынша, олар қаражат үшін емес, ел басына күн туған кезде қарап
жатпайтындықтарын танытып, әскерге жұмылуда.
«Рейтерс» ақпараттық агенттігінің
мәліметіне жүгінсек, Ирак қарулы күштерінің қатарында соғысатын азаматтар ай
сайын 644 АҚШ доллары көлемінде сыйақы алады.
Самат ҚАНАҒАТОВ
