Гонконгта жаппай наразылық акциясы
өтіп жатыр. Оппозиция өкілдері демократияға қолдау ретінде соңғы 10 жылдықта
болмаған ең ірі шеруге шықты. Акцияға 500-ден
астам адам қатысуда.
Жүздеген наразы азамат үйлеріне
қайтудан бас тартып жатыр. Тәртіп сақшылары
олардың іс-әрекеттерін заңсыз деп бағалап, күш қолданды. 200 шерушіні қамауға
алды. Көше шерушілерден тек бүгін таңертен ғана тазартыла бастады. Наразы
топтың ашуын тудырып отырған мәселе, мэрді таңдауда Бейжіңнің белден басу
саясатын ұстануы, яғни өздері қадағалайды, өздері тексереді, сосын бекітеді.
Ал, жергілікті халық өздері сайлағысы
келеді. Қытай билігі қала тұрғындарына келесі
сайлауда мұндай мүмкіндікті береміз деп сендірді. Бұдан бұрын 800 мың адам
бейресми референдумда еркін сайлау механизмін құруға дауыс беріп,
сайлаушылардың өз үміткерін ұсыну мүмкіндігін талап еткен болатын.
Азамат АЛДОҢҒАРОВ
