Қасиетті Ораза айт мерекесімен мұсылман жамағатты еліміздің Бас муфтиі де
құттықтады. Мұсылмандардың ұлық мерекесінде Алматы қаласындағы орталық
мешітке жамағат көптеп жиналды. Айт намазына қатысқан ағайын айтулы мерекеге
орай жылы лебіздерін жолдап жатты.
Ораза айт намазына бас мүфти Ержан қажы
Малғажыұлы да қатысты. Ол барша мұсылмандарды жылына бір рет келетін айт
мерекесімен құттықтап, елдің амандығын тіледі. Сондай-ақ жиналғандарға Ораза
айттың маңыздылығы жайында әңгімеледі.
Ержан қажы Малғажыұлы, Бас мүфти:
30 күн Алла разылығы үшін, Ораза тұтқан пендесіне Алла тағала сый етіп, осы
Айт күнін берді. Пайғамбарымыз с.ғ.с. келе жатқан сүннет амал. Аллаһ Тағала
бізді келесі жылғы оразаға аман есен жеткізсін. Дұға тілектерімізді қабыл етсін.
Маржан СЕРІКҚЫЗЫ
