Ақтөбеде тұрмыстық газ баллоны жарылып, 24 жастағы тұрғын қаза тапты. Оқыс оқиға кеше кешкісін шаһар іргесіндегі Жаңақоныс ауылында болған.
5-қабаттағы 3 бөлмелі пәтерде қатты шыққан дыбыс естілді. Артынша, баспана
отқа оранған. Жалын шарпыған аумақ 4 шаршы метрді құрады.
Апаттан соң денесін күйік
шалып, ыстан уланған 3 адам ауруханаға жеткізілген. Арасында 9 айлық нәресте де
бар. Қазіргі таңда өрттің шығу себептері мен келген шығын көлемі анықталу
үстінде.
Майя Нұралина, Ақтөбе облыстық ІІД баспасөз қызметінің инспекторы:
Өртті сөндіру нәтижесінде сол үйде тұратын 24 жастағы ер адамның мәйіті
табылды. 9 айлық бала «бетінің және оң жақ білегінің күйюі» диагнозымен
облыстық клиникалық балалар ауруханасына жеткізілді.
Мансұр ЕСҚОЖИН
