Ресейліктер үшін мұнай өнімдерін Қырғызстанға сату тиімді болып тұр. Бірқатар сарапшылардың пікірі осылай. Өйткені қырғыздардағы баға тоннасына 800-900 долларға дейін жетеді. Ал бізде жанар-жағармай құнының шектеулі екені белгілі. Сондықтан ресейліктер пайда неғұрлым мол түсетін жолды іздестіруде. Қырғызстанға мұнай тасымалының жанданғаны да содан.
Бұл туралы Астанада өткен баспасөз мәслихатында Қазақстандағы жанар-жағармай қауымдастығының өкілдері мәлімдеді. Айтуларынша, мұның салдары елімізде бензин мен дизель отынының тапшылығы сезілуіне әкеп соқтырған.
Жақсылық Жанқалов, «Қазақстан жанар-жағармай қауымдастығының» заңгері:
Біз жаңа графикті көрсеттік. Осы графикке сәйкес, ақпан айынан бері, яғни ақпан мен шілде аралығында бүкіл облыстарға мұнай өнімдерін таратып беру көлемі
екі есеге қысқарған.
Асан ҚАЛИАХМЕТ
