"Қазақстанда
жүн мен теріні өңдеу жұмысы - нөл." Атырау облысының әкімі Бақтықожа Ізмұхамбетов еліміздегі төрт түлік
терісін өңдеу жұмысына осындай баға берді.
Бақтықожа Ізмұхамбетов,
Атырау облысының әкімі:
Бүкіл
Қазақстанда жүн мен теріні өңдеу жұмысы нөл деп айтуға болады. Жоқ еш жерде, бір де бір жерде. Оралда
шала-жансар «Аяз» деген фирма бар, киіз
басып, байпақ шығаратын. Осындай кішкене мекемелерден басқа түк жоқ. Теріні
өңдеу жұмысын қолға алған жоқпыз және қолға алуға тікесінен айтайын - мүмкіндігіміз жоқ. Әрине, біз еш уақытта,
еш уақытта демей-ақ қояйын жақын жылдары
бірнәрсе шығарамыз дегенге, нанбаймын.
Өйткені Германия, Италия терісіндей тері
шығара алмаймыз.
Бақтықожа Ізмұхамбетовтің мұнайлы аймақтың басшысы қызметін тізгіндегеніне
бүгін тура екі жыл. Осыған орай облыс басшысы игі-жақсыларымен кездесті. Жиында
еңбек ардагері мал терісі мен жүнін кәдеге асыруды қолға алсақ, деген тілегін
жеткізген болатын. Өйткені малшылар мал жүнін өткізетін жер таппай қиналатынын
айтты.
Сахибеден
Бекенов, еңбек ардагері:
Мал
өнімінің тек етін пайдаланып отырмыз. Жүнді жылына екі рет өртейміз. Өзімнің 1500 қойым бар. Жылына екі рет қырқамын да, өртеймін. Қанша тырнақтап жиған тиыным желге ұшып
жатыр.
Базаргүл ІЗІМОВА
