Синоптиктер
болжамы бойынша, алдағы күндері Қазақстанның басым бөлігінде аптап сақталып,
+40-43 градуске дейін күн ысиды.
Шыжыған ыстық бірнеше өңірде өрт қаупін
үдете түсті. Шығыста өткен бір тәулік ішінде өрт туралы жиырмадан астам дабыл
түскен. Дала өрттері егін алқаптарын ғана емес, қысқа жиналған пішен
шөмелелерді де жалмап жатыр. Егін ору басталғалы бері жем сақтау орындарында 58
өрт сөндірілді, ал алқаптарда 60 рет өрт шыққан. Шығын көлемі 6 миллион
теңгеден асып кетті. Өрт сөндіру қызметтері ауыл шаруашылығы техникасының
жарамдылығы мен өртке қарсы күрес жабдықтарының дұрыстығын күнделікті тексеруде.
Аптап Батыс Қазақстан облысының тұрғындарын да әбігерге салып отыр. Облыстық
Төтенше жағдайлар жөніндегі департамент дерегі бойынша, өрт сөндірушілер өткен
демалыс күндері түздегі 20 шақты өрт ошақтарын сөндіруге аттанған.
Азамат АЛДОҢҒАРОВ
