«Астана»
футбол командасы үшін биылғы Еурокубок жарыстары сәтті болды. Клуб тарихында алғаш рет елордалық
футболшылар Еуропа лигасының топтық кезең ойындарына жолдама алды. Ендігі
қарсылас Испания чемпионатының ортаңқол командаларының бірі «Вильярреал» клубы.
Испания біріншілігі әлі басталған жоқ. Дегенмен, халықаралық жарыстарда
тәжірбиесі мол Марселино Гарсияның шәкірттері бұл кездесудің фавориті болып
саналады.
«Астана» командасының футболшылары қатарда. Жарақат алғандар жоқ. Бас
бапкер Станимир Стойлов бірқатар ойыншыларға үміт артады. Олардың арасында
Бауыржан Джолчиев, Танат Нөсербаев, Елдос Ахметов және Дмитрий Шомко бар. Екі
команда арасындағы алғашқы жекпе-жек 21 тамыз күні «Астана Арена»
стадионында өтеді.
Самат ҚАНАҒАТОВ
