Жыл басынан бері 10 мыңнан астам мүмкіндігі шектеулі жан
жұмыспен қамтылды. Денсаулық сақтау
және әлеуметтік даму вице-министрі Светлана Жақыпова олардың 9 мыңнан астамы тұрақты жұмыс істейтінін мәлімдеді.
Сондай-ақ, «Жұмыспен қамту жол картасы-2020»,
"Өңірлерді дамыту" бағдарламалары аясында да тағы 6 мыңнан астам
мүгедек азамат жұмысқа орналастырылған. "Оларды жұмыс орнына дейін қатынайтын "Инватакси" қызметіне
жыл сайын 90 миллион теңге бөлінеді",- деді вице-министр. Айта
өтейік, ел аумағында мүмкіндігі шектеулі
жандарды 110 инватакси тасымалдайды.
Светлана Жақыпова, ҚР Денсаулық
сақтау және әлеуметтік даму вице-министрі:
Мемлекеттік әлеуметтік тапсырыс бойынша инватакси қызметін дамытуға 90 млн теңге
бөлінеді. Бұл сомма өңірлерге қызмет
түрінің қажеттілігіне қарай беріледі.
Ләйлә ҚАЗИЯҚПАРОВА
