Бүгін - білім күні. Дәстүр бойынша Қазақстандағы барша мектепте алғашқы қоңырау соғылды. Әсіресе, ұстаздар бірінші сынып оқушыларын салтанатпен қарсы алуда. Мектеп табалдырығын алғаш аттаған бүлдіршіндер бұл күнге ерекше дайындықпен келді. Ақ бантигін тағып, құшақтары гүлге толған балғындар білім ордасына асықты.
ҚР Білім және ғылым министрлігінің хабарлауынша, биыл Қазақстанда барлығы 277 мың 575 бала бірінші сыныпқа барды. 2014-2015 оқу жылында күндізгі орта білім беру мектептерінде оқитын оқушылар саны 2 млн 498 мың 819.
Т.АМАНАЛИЕВА
